Prishtinë, 16 nëntor - Dështimi i Bllokut VLAN për të zgjedhur kryetar të Kuvendit liderin e LDK-së, Isa Mustafa, ka shkaktuar pakënaqësi te kjo parti e cila tani kërkon ridizajnim të marrëveshjes për formimin e Qeverisë.

Por ideja e ridizajnimit të marrëveshjes është kundërshtuar ashpër nga AAK-ja, e cila nuk dëshiron të heqë dorë nga posti i kryeministrit dhe t’ia lëshojë këtë post LDK-së si partia më e madhe në Bllok.

Partneri i këtij koalicioni, Lëvizja “Vetëvendosje”, ka propozuar që ky post t’u takojë nga dy vjet LDK-së dhe AAK-së.

Megjithatë edhe ky propozim është kundërshtuar nga këto dy subjekte, pasi që edhe LDK-ja edhe AAK-ja vlerësojnë se kryeministri u takon atyre.

/Zëri/