Prishtinë, 26 mars - Në mbledhjen e Kuvendit Komunal të Prishtinës, të cilën e udhëhoqi kryesuesi, Sami Hamiti, u diskutuan dhe u miratuan pikat e rendit të ditës të parapara për këtë seancë.

Këshilltarët komunal miratuan unanimisht raportin e punës për vitin 2009, pas diskutimeve të shefave të grupeve parlamentare dhe të disa këshilltarëve, të cilët paraqiten opinionet e tyre dhe të grupeve të tyre parlamentare rreth raportit dhe shpjegimeve nga ana e kryetarit të Komunës, Isa Mustafa.

Pas miratimit të raporti vjetor për vitin 2009, këshilltarët komunal caktuan lokacionin për objektin e Qendrës së Zjarrfikëseve, si dhe miratuan Propozimvendimin për ndryshimin dhe plotësimin e Planit rregullues të lagjes “Mati 1” në Prishtinë.

Po në këtë mbledhje nga këshilltaret komunalë u miratuan edhe Popozimvendimi për bartje të mjeteve nga viti 2009 në vitin 2010, dhe Propozimvendimi për lejimin e mjeteve ngrohtores së qytetit “Termokos” ShA Prishtinë.

Për të gjitha pikat e rendit të ditës, përveç kryetarëve të grupeve parlamentare diskutuan edhe këshilltarë tjerë komunal.