Kuvendi sot mban seancë të jashtëzakonshme për Buxhet
Dje në kryesi po ashtu u diskutua edhe për kërkesën e 82 deputetëve të Kuvendit, adresuar Kryesisë dhe institucioneve gjegjëse të sigurisë, të cilët, nëpërmjet nënshkrimeve, kërkojnë krijimin e kushteve normale për punë në sallën e mbledhjeve plenare të Kuvendit.
Kryetari i Kuvendit, Kadri Veseli, konfirmoi se kërkesën do t’ua adresojë institucioneve përgjegjëse.
Thirrja e seancës, është kundërshtuar nga opozita.
Tri partitë opozitare nuk e kanë përjashtuar mundësinë që sërish të përdorin gazin lotsjellës apo edhe mjete tjera për të bllokuar punimet e seancës, siç kanë vepruar në mbledhjet paraprake.
Si kusht që të mos ketë bllokim të seancave, opozita po kërkon që kryeministri dhe Qeveria e Kosovës të anulojnë marrëveshjen me Serbinë për Asociacionin e Komunave me Shumicë Serbe dhe atë me Malin e Zi për demarkacionin e kufirit.
