Kuvendi shqyrton Propozim-Rezolutën për punën dyvjeçare të Qeverisë
Në këtë seancë, pas deklarimeve jashtë rendit të ditës dhe pyetjeve parlamentare, Kuvendi pritet të shqyrtojë Propozim-Rezolutën për punën dyvjeçare të Qeverisë së Kosovës.
Më pas deputetët do të shqyrtojnë tri projektligje në lexim të dytë: Projektligjin për ndryshimin dhe plotësimin e Ligjit për energjinë, Projektligji për sanksionet e shënjestruara kundër shkelësve të huaj të drejtave të njeriut, si dhe Projektligjin për Agjencinë e Kosovës për Akreditim.
Për herë të parë ndërkaq do të shqyrtohet Projektligji për Pensionet e Zyrtarëve Policorë të Policisë së Kosovës dhe Punonjësit e Inspektoratit Policor të Kosovës me autorizime policore, si dhe ai për çmimin e produkteve medicinale.
Pikë e fundit e rendit të ditës të kësaj seance do të jetë shqyrtimi i rekomandimit lidhur me auditimin e procesit të shitjeve me negocim direkt në Agjencinë Kosovare të Privatizimit.
