Prishtinë, 1 qershor - Ministrja e Tregtisë dhe Industrisë Mimoza Kusari – Lila priti sot fëmijë nga shkollat fillore “Hasan Prishtina” dhe “Dardania” nga Prishtina të cilëve ju foli për drejtat e konsumatorit si dhe punët që ministria që ajo drejton është përgjegjëse.

 “Tani jeni në moshë kur çdo gjë që bleni duhet ti lexoni paraprakisht dhe të mos lejoni padrejtësi. Në rast se keni blerë një produkt që nuk ka afat, atë duhet ta ktheni dhe të raportoni tek ne në Departamentin për Mbrojtjen e Konsumatorëve” theskoi ajo.

Fëmijët në anën tjetër, ishin shumë të interesuar për zhvillimin ekonomik, duke bërë pyetje për rritjen e prodhimit vendor, zhvillimin e sektorit të ndërtimtarisë, vështërsitë që hasen në eksport dhe import të mallërave si dhe në kontrollimin e tyre.

Në fund të takimit, Artan Demolli, Zyrtar i Lartë i Departamentit për Mbrojtjen e Konsumatorit mbajti një ligjeratë për nxënësit duke pas synim ngrtijen e vetëdijes tek fëmijët.

Pas takimit të fëmijëve në Prishtinë, ministrja Kusari – Lila takoi fëmijët me aftësi të kufizuara në Gjakovë, ku ndër të tjera u mbajt edhe një ligjeratë për integrimin e tyre në shoqëri. “Të gjitha nënat nisen me bindjen e pamjes së fëmijut të tyre, i paramendojnë ata si një kopsht me trëndafila, por në fakt, rastisin në kopsh me tulipanë. Që të dyja janë lule që duan kujdes të shtuar” theksoi ministrja Kusari - Lila.

Gjatë kësaj ngjarje të gjithë fëmijët shprehën talentet e tyre duke kënduar, vallëzuar apo imituar më të afërmit e tyre.

Në fund, Psikologia Afërdita Dema mbajti një ligjeratë për integrimin e fëmijëve, e cila theksoi se nga përvoja e saj, integrimi në Kosovë ka filluar të jetë më i hovshëm.

Këto aktivitete u mbajtën për nder të ditës ndërkombëtare të fëmijëve, duke i konsideruar si pjesa më e rëndësishme e shoqërisë tonë.