Prishtinë, 3 dhjetor -  Mimoza Kusari-Lila ka thënë se qysh në fillim të zgjedhjeve e ka ditur se do ta fitojë garën për kryetare të Gjakovës përballë Pal Lekajt të AAK-së. Ajo është zotuar se do të angazhohet maksimalisht që Gjakovës t’ia kthejë identitetin.

Në këtë kontekst, Kusari-Lila ka thënë se alfa dhe omega e programit të saj qeverisës do të jetë zhvillimi ekonomik i Gjakovës. Kryetarja e re e Gjakovës e ka përjashtuar çdo mundësi të bashkëpunimit me Degën e AAK-së dhe PSHDK-së në Gjakovë. “Konsideroj se mund të bashkëpunojmë me PDK-në, LDK-në dhe PDKI-në”, ka thënë në një intervistë për “Epoka e re” Kusari-Lila.

Ajo ka thënë se fitorja e AKR-së në Gjakovë dhe Mitrovicë është bazë e mirë që kjo parti të shënojë rezultate pozitive edhe në zgjedhjet e ardhshme nacionale.