Prishtinë, 11 shkurt - Ministri i Drejtësisë, Hajredin Kuçi, ka thënë se duhet hequr dilemat që Prishtina mund të pranojë status special gjatë “javëve kyç të dialogut”.

“Statusi special dhe ndarja nuk janë tema në diskutim. Temë është zbatimi i plotë i sovranitetit edhe në atë pjesë të territorit tonë”, ka thënë ai, shkruan Koha Ditore.

Kuçi ka treguar se në raundin e pestë të dialogut politik mes Kosovës dhe Serbisë, më 19 dhe 20 shkurt, kryeministri i Kosovës, Thaçi, dhe ai i Serbisë, Daçiq, do të bisedojnë për shpërbërjen e strukturave paralele të Serbisë në veriun e Kosovës.