Prishtinë, 8 qershor - Presidenti serb, Tomislav Nikoliq, ka paralajmëruar vizitë në veri të Kosovës, kurse Qeveria e Kosovës, paralajmëron arrestimin e tij nëse hyn pa leje.

Zëvendëskryeministri Hajredin Kuçi, ka thënë se kushdo që hyn pa leje në vendin tonë rrezikon që të ndeshet me ligjet dhe të arrestohet, raporton Koha.

“Nuk kemi dëshirë që të vihet deri te kjo pozitë me presidentin e Serbisë, mirëpo kushdo që e shkel ligjin është i barabartë” ka deklaruar Kuçi.

Kuçi ka theksuar se sikur Nikoliqi ta dorëzojë kërkesën për vizitë në Kosovë te Zyra e Bashkimit Evropian në Beograd, atëherë Qeveria e Kosovës do ta shqyrtonte atë.