Prishtinë, 2 gusht - Me një ligj të ri dhe tre ligje të ndryshuar qeveria e Kosovës, pretendon se ka përfunduar çdo detyrim sa i takon aspektit të miratimit të legjislacionit që kanë të bëjnë me zbatimin e marrëveshjes së Brukselit.

Vulën përfundimatre e kanë marrë vetëm dy prej tyre, ndërsa të tjerët pritet që ta marrin në muajin shtator nga Kuvendi.

Sipas zv/kryeministrit Hajredin Kuçi, Kuvendi këtë verë është marrë me këto katër ligje dhe se Prishtina e ka kryer punën dhe detyrimin e saj ndaj marrëveshjes, njofton Tribuna.

Kuçi ka nënvizuar se marrëveshja do të zbatohet në bazë të dispozitave aktuale pa pasur nevojë për ndryshime, pasi ligjet e tjera që lidhen me të janë në rregull. /Tribuna/