Prishtinë, 16 korrik - Kryetari i Aleancës për Ardhmërinë e Kosovës (AAK), Ramush Haradinaj, e priti sot në takim ambasadorin e Maqedonisë në Republikën e Kosovës, Stojan Karajanov.
 
Kryetari Haradinaj e falënderoi ambasadorin maqedon në Kosovë për punën e bërë deri më tani në vendin tonë dhe për kultivimin e frymës së mirë të bashkëpunimit të mirë ndërmjet dy vendeve tona.
 
Ai ia përcolli ambasadorit të Maqedonisë vullnetin dhe gatishmërinë e AAK-së për bashkëpunim edhe në të ardhmen, ndërmjet dy vendeve tona, në të mirë të proceseve të përbashkëta që po kalojmë tash, por edhe në të ardhmen.
 
Nga ana e tij, ambasadori Karajanov e falënderoi kryetarin Haradinaj për mbështetjen dhe bashkëpunimin gjatë mandatit të tij në Kosovë dhe ia përcolli gatishmërinë e vazhdueshme të vendit të tij për bashkëpunim me Republikën e Kosovës edhe në të ardhmen.