Kryeparlamentarja e Zvicrës nis viziten katërditëshe në Kosovë
Me këtë rast znj. Maya Graf, në krye të delegacionit që e shoqëron, do të pritet në një takim nga kryetari i Kuvendit të Kosovës, dr. Jakup Krasniqi.
Takimi Krasniqi - Graf do të zhvillohet të martën, më 2 prill, duke filluar nga ora 9:30, ndërsa konferenca për shtyp do të mbahet në orën 10:15.
Znj. Maya Graf do të ketë takime edhe me Komisionin për Punë të Jashtme të Kuvendit të Kosovës, me përfaqësues të minoriteteve, Avokatin e Popullit, si dhe do të ketë vizita të tjera në qytete dhe institucione të ndryshme që veprojnë në Kosovë.
Nga të dy vendet janë paraparë bisedime me parlamentarët dhe me përfaqësuesit qeveritarë si dhe vizita në projektet e atjeshme zvicerane.
Delegacioni udhëton edhe në Mitrovicë, për të krijuar një pasqyrë të angazhimit të Swisscoy-t atje. më 3 prill delegacioni i Parlamentit të Zvicrës udhëton për në Prizren ndërsa po ashtu ai do të vizitojë edhe projektet e ndryshme zvicerane në regjionin e Gjakovës.
Bëhet fjalë mes tjerash, edhe për projektet e mbështetura nga SECO dhe DEZA, që u dedikohen integrimit te romëve dhe papunësisë së të rinjve.
Kryetaren Graf do ta shoqërojë një delegacion i përbërë nga nënkryetari i parë Ruedi Lusterster (CVP/LU), deputetët nacionalë: Adrian Amstutz (SVP/BE), Andy Tschümperlin (SP/SZ), t Laurent Favre (FDP. Die Liberalen/NE), Hansjörg Hassler (BDP/GR), Ueli Leuenberger (GPS/GE) dhe Roland Fischer (GLP/LU.
