Prishtinë, 24 dhjetor - Kryetari i Kuvendit të Kosovës, Jakup Krasniqi i dërgoi një telegram urimi Shkëlqesisë së tij, Imzot Dodë Gjergji, me rastin e Ditës së Krishlindjes.

„Në këtë ditë të shenjtë është kënaqësi t’Ju uroj Juve dhe nëpërmjet Jush të gjithë besimtarëve katolikë Ditën e Lindjes së Krishtit, ditë që frymëzon njeriun me besimin më të madh te Zoti dhe tek e ardhmja.

Le të jetë kjo festë e madhe edhe një rast për të shpalosur ndjenjat e dashurisë, të respektit, të harmonisë dhe të vullnetit të qytetarëve tanë për të sjellë edhe më shumë lumturi, paqe dhe mbarësi në familjet tona“, thuhet në urimin e Krasniqit.