Kaçanik, 14 janar - Presidenti i Këshillit të Rinisë Evropiane të Kosovës (KREK), Avdullah Hasani, po vazhdon me takimet e tij me kryetarë të Komunave të Kosovës me qëllim që të ngrisë vëmendjen e ekzekutivit lokal lidhur me fuqizimin dhe pjesëmarrjen e të rinjve në proceset e vendim marrjes. Në kuadër të këtyre vizitave të tij në komunat e Kosovës, ka takuar sot kryetarin e komunës së Kaqanikut , Besim Ilazi . 

Kryetari i Komunës së Kaçanikut ka njoftuar Këshillin e Rinisë Evropiane të Kosovës (KREK), lidhur me aktivitet e komunës së Kaçanikut me sektorin e rinisë si dhe me angazhimin e të rinjve në administratën komunale.

 “ Të rinjtë  e Komunës së Kaçanikut konsiderojmë se janë të përfshirë në vendimmarrjen e përbashkët në Komunës , duke pasur parasysh se pothuajse të gjithë drejtorët e drejtorive në Komunë janë në moshë të re , e që na bënë të ndihemi krenar me strukturën tonë të organizimit “ theksoi Kryetari Ilazi duke u zotuar se do të aktivizoj tërë  kapacitetin e komunës së tij për ta forcuar rolin e të rinjve të kësaj komune në vendimmarrje që është shumë e rëndësishme për shoqërin tonë .

 Në këtë takim Presidenti i KREK-ut, Avdullah Hasani, ka kërkuar nga kryetari i Kaçanikut t’i ndihmojë të rinjtë për t’i realizuar aspiratat dhe idetë e tyre. Hasani ka thënë se të rinjtë duhet të fuqizohen dhe të mos mbesin jashtë përkrahjes së komunave.

“Të rinjtë duhet të mbështeten me projekte dhe programe që qëllim kanë rritjen e pjesëmarrjes së tyre në vendimmarrje  ,  Të rinjtë e Kaçanikut duhet të besojnë shumë se me pjesëmarrjen e tyre në ndërtimin e demokracisë moderne , ndërsa Komuna duhet të mundësojë që të gjithë bashkëmoshatarët e rinj të angazhohen që t’i shumëfishojnë energjitë e tyre dhe të rrisin vullnetin për përmirësim të vazhdueshëm të politikave demokratike rinore, të cilat ndikojnë drejtpërdrejt në dialogun kulturor dhe dialogun politik, i cili aktualisht është aq i domosdoshëm për shoqërinë tonë.   

Të rinjtë duhet të ndihen krenarë me formën e përfshirjes të të rinjve në gjenerata (si dhe ta shumëfishojnë formën e organizimit nëpër aktivitete të ndryshme) , të bindur se kjo ndikon në rritjen e vazhdueshme të nivelit të synuar të demokracisë, sepse ndikon hapur edhe në krijimin dhe zbatimin e praktikave më moderne, sipas modelit evropian të jetës demokratike qytetare , ndërsa gëzohem që në Komunen e Kaqanikut ka shumë të rijnë pjesë të ekzekutivit  u shpreh , Presidenti i KREK-ut , Avdullah Hasani.