Prishtinë, 7 janar - Me rastin e festës së Krishtlindjeve ortodokse, kryetari i Kuvendit të Republikës së Kosovës, Jakup Krasniqi, u drejtohet me një mesazh përgëzimi të gjithë qytetarëve të besimit ortodoks në Kosovë.

”Në këtë ditë të shenjtë, ai uron besimtarët ortodoksë të jetojnë gjithmonë në paqe, tolerancë ndërnjerëzore, mbarësi, begati dhe në harmoni.

Le të jetë kjo ditë hyjnore për besim më të madh te Zoti, le të jetë motiv shtesë për të forcuar ndjenjat e dashurisë ndaj njëri-tjetrit, të respektit ndaj besimeve të ndryshme në Republikën e Kosovës”, theksohet në mesazhin e kryekuvendarit Krasniqi.