Prishtinë, 16 janar - Komisioni Qendror i Zgjedhjeve mbajti mbledhjen e radhës të kryesuar nga kryetarja e KQZ-së, znj. Valdete Daka.

Fillimisht, KQZ miratoi rekomandimin për akreditimin e Grupit të III-të të vëzhguesve për zgjedhjet e jashtëzakonshme për kryetar të komunës së Graçanicës, me gjithsej: 38 vëzhgues.

Numri i përgjithshëm i vëzhguesve të akredituar deri më tani nga KQZ për vëzhgimin e këtyre zgjedhjeve është: 388 vëzhgues.

Në vazhdim të mbledhjes, Kryeshefi Ekzekutiv i Sekretariatit të KQZ-së, Enis Halimi, paraqiti një informatë para anëtarëve të KQZ-së lidhur me zbatimin e aktiviteteve të parapara me Planin Operacional për zgjedhjet e jashtëzakonshme për kryetar të komunës së Graçanicës.

Kryeshefi Halimi bëri të ditur se procesi i përgatitjeve të këtyre zgjedhjeve është në fazën e fundit të tij.