Prishtinë, 20 dhjetor - Komisioni Qendror i Zgjedhjeve dhe Agjencia e Shteteve të Bashkuara për Zhvillim Ndërkombëtar (USAID) nënshkruan Memorandum të Mirëkuptimit për bashkëpunim në fushën e zgjedhjeve në Kosovë.

Në emër të KQZ-së, firmosi kryetarja e KQZ-së, znj. Valdete Daka, kurse në emër të USAID firmosi drejtoresha e këtij misioni në Kosovë, znj. Maureen A. Shauket.

Qëllimi i këtij Memorandumi të Mirëkuptimit është që palët nënshkruese të bashkëpunojnë në përpjekjen e ndërsjellë për të përforcuar administrimin e zgjedhjeve në Kosovë.

Në përputhje me këtë, Pjesëmarrësit kanë lidhur këtë Memorandum të Mirëkuptimit me synim të parashtrimit të veprimeve që duhen ndërmarrë në drejtim të mbështetjes nga ata e tyre të këtij qëllimi.