Tokio, 27 tetor – Republika e Kosovës ka vendosur marrëdhëniet diplomatike me Republikën e Ishujve Marshall. Marrëveshja e vendosjes së marrëdhënieve diplomatike ndërmjet dy shteteve është nënshkruar nga ministri i Punëve të Jashtme i Ishujve Marshall, Phillip H. Muller dhe ambasadori i Kosovës në Japoni, Ahmet Shala.

Ceremonia e vendosjes së marrëdhënieve diplomatike është zhvilluar në Tokio.

Në aktin e marrëveshjes shprehet vullneti i Qeverisës së Kosovës dhe Qeverisë së Ishujve Marshall për të promovuar lidhjet e miqësisë dhe zgjerimit të bashkëpunimit ndërmjet dy vendeve.

Republika e Ishujve Marshall e ka njohur shtetin e pavarur dhe sovran të Kosovës më 17 Prill 2008.