Prishtinë, 9 prill - Republika e Kosoves sot shënon tetë vjetorin e miratimit të Kushtetutës. 

Kushtetuta e Kosovës u ratifikua më 9 prill 2008 dhe hyri në fuqi më 15 qershor 2008. Kushtetuta është akti më i lartë juridik, që garanton të drejtat dhe liritë themelore të të gjithë qytetarëve të vendit.

Pjesa më e madhe e kësaj kushtetute rrjedh nga Plani Ahtisarit, duke i dhënë kështu të drejta specifike grupeve minoritare dhe një ambient më të sigurt për të gjithë qytetarët e Kosovës.

Kushtetuta e definon Kosovën si një shtet me pikëpamje neutrale ndaj fesë (neni 8). Ajo ka 14 kapituj dhe 162 nene.

9 Prilli është zyrtarisht festë shtetërore në Kosovë që do të thotë se institucionet sot do ta kenë ditë pushimi.

Me rastin e 8 vjetorit të miratimit të Kushtetutës së Republikës së Kosovës mbahet seminarin me temën “Kushtetuta e Republikës së Kosovës 8 vite pas: vlerat, sfidat dhe perspektiva”  që organizohet nga Fakulteti Juridik në koordinim me Katedrën Kushtetuese-Administrative të këtij Fakulteti.

Në këtë seminar do të trajtohen sfidat në zbatimin e Kushtetutës së Kosovës në tetë vite të ekzistimit të saj dhe roli i Gjykatës Kushtetuese të Kosovës në sigurimin e kushtetutshmërisë në demokracinë kushtetuese.