Prishtinë, 18 mars - Kosova po rrezikon të shkojë drejt anarkisë. Kjo për faktin se Gjykatat Themelore janë futur në ditën e 14-të të grevës, ekzistojnë ndasi të mëdha në Këshillin Prokurorial të Kosovës, kryeprokurori i Shtetit vazhdon të mos akreditohet për gati një muaj.

Por jo vetëm kaq, telashe të mëdha kishte edhe Gjykata Kushtetuese, si organi më i lartë juridik i vendit rreth vazhdimit të mandatit të gjyqtarëve dhe mungesës së kuorumit në marrjen e vendimeve të saj, shkruan “Zëri”.

Gjithë këtë situatë kaotike në sistemin e drejtësisë e ka komentuar edhe vetë kryetari i Këshillit Gjyqësor të Kosovës, Enver Peci, sipas të cilit greva e gjyqtarëve e ka rënduar gjendjen në sektorin e gjyqësisë.

Për këtë situatë të krijuar ai e fajësuar Qeverinë e Kosovës që, sipas tij, nuk po i adreson seriozisht kërkesat e gjyqtarëve.

/Zëri/