Kosova në heshtje zgjedhore
Fushata zgjedhore që zyrtarisht duhej të zgjaste vetëm 10 ditë, u ndërpre një ditë para kohe vullnetarisht nga subjektet politike si shkak i ngjarjes tragjike që ndodhi në Obiliq, ku si pasojë e një shpërthimi humbën jetën 2 persona dhe u lënduan 14 të tjerë.
Komisioni Qendror i Zgjedhjeve ka njoftuar se janë bërë përgatitjet finale për zgjedhjet e së dielës. Për këto zgjedhje parlamentare janë akredituar rreth 30 mijë vëzhgues vendorë dhe ndërkombëtarë.
Edhe misioni i OSBE-së përsëri do t’i monitoroj zgjedhjet dhe së bashku me vëzhguesit e tjerë ndërkombëtarë dhe lokalë, do ta vlerësojë korrektësinë dhe procedurat.
Në garë janë 30 subjekte politike; nga to 19 parti politike, 7 nisma qytetare, 4 koalicione dhe 1 kandidat i pavarur. Në garë, në total janë rreth 1235 kandidatë që garojnë për 120 vende në Parlamentin e Kosovës, ndërsa ata që do t’i votojnë do të jenë në numër 1 milion e 782 mijë e 54, përfshirë edhe komunat veriore, me shumicë serbe
