Prishtinë, 29 korrik - Në Washington dhe Bruksel do të ketë më shumë diplomatë, ndërsa në Egjipt, Mal të Zi dhe vende të tjera do të hapen misione diplomatike.

Ministria e Punëve të Jashtme ka në planë që të rishikojë rolin e misioneve diplomatike në botë. Këtë e ka bërë të ditur zëdhënësi i saj Artan Behrami.

Ish- ministri i jashtëm, Skënder Hyseni, e ka konsideruar të paarsyeshëm dyshimin e ministrit Hoxhaj nëse Kosova duhet të ketë ambasadë në Holandë, shkruan Koha Ditore.

“Holanda është vend i rëndësishëm evropian dhe unë nuk e di cili është rezoni rreth qëndrimit të ministrit Hoxhaj që të rishqyrtohet nëse Kosova duhet që të ketë ambasadë në Holandë apo jo”, ka thënë Hyseni.