Prishtinë, 8 nëntor - Deputeti i Vetëvendosjes Glauk Konjufca tha sot në kuvend se, kryeministri Hashim Thaçi ka pasur mbrëmë një darkë me vëllain e vogël të Millosheviqit, për një pjesë të territorit të Republikës së Kosovës.  

“Kjo që po i ndodhë Kosovës është turp i madh. Kryeministri ynë është njëfarë Azem Vllasi i kohës sonë. E mbani mend Azem Vllasin, kur ishte nevoja ai nuk e mbrojti bile as autonominë, e lëre më Republikën. Hashim Thaçi nuk po e mbron as Planin e Ahtisaarit, e lëre më Republikën”, tha Konufca. 

\"Po i besojnë njeriut që ishte në krye të manipulimit të zgjedhjeve; që tha nuk do të ketë negociata politike, dhe i bëri; që dha premtim për sovranitetin dhe nuk e bëri, e kështu me radhë. Këtij njeriu po i beson opozita, e kjo është njëjta sikur t’i besosh ujkut se do të t’i ruajë delet. Kësi opozite do të kishte ëndërruar çdo lider qeveritar autoritar. Një opozitë që e përkrah Qeverinë gratis. Opozitë e cila nuk e sfidon Qeverinë, por i nënshtrohet asaj\", tha ai. 

Në mbledhjen e sotme plenare të Kuvendit të Kosovës, ligjvënësit po e shqyrtojnë për herë të parë: Projektligjin për investimet e huaja, Projektligjin për Avokaturën Shtetërore, si dhe Projektligjin për Agjencinë e Regjistrimit Civil.