Prishtinë, 17 maj - Kryetarja e Forumit të Gruas së LDK-së, znj.Lirije Kajtazi u takua në Prishtinë me Nënkryetaren e EPP Women znj.Dubravka Shuica e cila njëherësh është edhe deputete në Parlamentin Europian.

Gjatë takimit u diskutua për mundësinë e bashkëpunimit të forumeve të grave të partive simotra nga Kosova dhe Kroacia, gjithashtu për ngritjen e nivelit të bashkëpunimit në mes të LDK-së, si anëtare dhe strukturat e EPP-së.
Znj. Kajtazi e njoftoi Nënkryetaren e EPP Women, znj.Shuica për zhvillimet në LDK-së, për përpjekjet e FG për fuqizimin e pozitës së gruas në vendimmarrje në strukturat e LDK-së.

Ajo i tregoi për ndryshimet statutare që forumi i gruas do të paraqet në takimin e rradhës së Këshillit të Përgjithshëm të LDK-së dhe për kërkesat që dalin nga anëtarësia e që lidhen me pozitën e gruas së LDK-së dhe nevojën e futjes së kuotës gjinore si masë afirmative e cila do të ndikonte në ngritjen e përfaqësimit të gruas në strukturat vendimmarrëse të partisë.
 
Nënkryetareja e EPP Women, znj.Shuica dha përkrahjen e fuqishme për njoftimin e kuotës si masë afirmative të nevojshme në strukturat e partisë dhe u zotua në ngritjen e nivelit të bashkëpunimit mes partisë së saj dhe LDK-së në nivel të forumeve të grave dhe në nivele tjera. Ajo gjithashtu u përkushtua që LDK-ja dhe Forumi i Gruas të jenë edhe më tepër prezente në takimet dhe aktivitetet e Partive Popullore Evropiane.
LDK-ja si anëtare e Partive Popullore Evropiane merr pjesë në aktivitete dhe përfaqësohet në të gjitha strukturat e EPP-së. Bashkëpunimi i Forumit të Gruas në LDK dhe EPP Women është në nivel të lartë dhe si anëtare FGLDK-së merr pjesë në takime të rregullta, në trajnime, në konferenca tematike si dhe jep kontributin në përpilimin e dokumenteve dhe politikave të EPP Women së bashku me votimin e tyre.
 Para pak javësh Kryetarja e FGLDK-së, znj. Lirije Kajtazi, mori pjesë në takimin e EPP Women në Pragë të Çekisë ku u diskutua për orientimet programore. Së shpejti FGLDK-së do të merr pjesë në takimin vjetor të EPP Ëomen i cili sivjet do të mbahet në Malaga të Spanjës.