Prishtinë, 21 mars  -  Presidentja e Republikës së Kosovës, zonja Atifete Jahjaga, priti sot në takim një grup të fëmijëve me Sindromin Down, të shoqëruar nga drejtoresha gjenerale e One to One Children’s Fund, Liridona Zogaj, nga drejtori i OPFFAKOS, Aziz Nishori dhe edukatorët e këtyre fëmijëve.


Presidentja Jahjaga në takim i shprehu mbështetjen e plotë institucionale për punën e organizatave të cilat përkujdesen për fëmijët me Sindromin Down.

 
Znj. Zogaj dhe z. Nishori e njoftuan Presidenten me aktivitetet dhe planet e organizatës për shtimin e përkujdesjes për fëmijët me nevoja të veçanta, në përgjithësi. Ata theksuan se sfidë mbetet integrimi gjithëpërfshirës i këtyre fëmijëve në procesin arsimor.