Prishtinë, 24 mars - Presidentja e Republikës së Kosovës, Atifete Jahjaga i ka dërguar telegram ngushëllimi Presidentit  të Republikës Federale të Gjermanisë, Joachim Gauck, me rastin e aksidentit ajror të Germanwings.

 
Ne telegramin e ngushëllimit thuhet:

Jemi tronditur thellë me lajmin e trishtueshëm për aksidentin tragjik ajror mbi Alpet Franceze me ç\'rast humbën jetën udhëtarët dhe anëtarët e ekuipazhit.

Në emër të qytetarëve dhe institucioneve të Republikës së Kosovës, familjarëve të viktimave të aksidentit ju shpreh ngushëllimet më të thella për humbjen e më të dashurve të tyre.

Në këto momente të rënda bashkohemi në lutje dhe me dhimbjen e familjarëve të viktimave të aksidentit tragjik ajror.