Prishtinë, 21 tetor - Presidentja e Kosovës, Atifete Jahjaga, e ka cilësuar si lajm fantastik rekomandimin e Bordit Ekzekutiv të UNESCO-s për anëtarësimin e Kosovës në ketë organizatë.

Në profilin e saj në “Facebook”, ajo ka shkruar se Kosova vazhdon tutje me përkushtim për t’i avancuar vlerat, harmoninë dhe progresin. “Lajm fantastik nga UNESCO. Bordi Ekzekutiv i UNESCO-s rekomandon kërkesën për anëtarësim të Republikës së Kosovës. Kërkesa tani i drejtohet Konferencës së Përgjithshme të UNESCO-s në nëntor për votën e anëtarësimit. Vazhdojmë tutje me përkushtim për t’i avancuar vlerat, harmoninë dhe progresin e vendit tonë.”, ka shkruar ajo.