Prishtinë, 12 tetor - Presidentja e Republikës së Kosovës, Atifete Jahjaga ka dënuar vandalizimin e pronës së Manastirit të Deçanit si një akt të shëmtuar dhe të papranueshëm.

Presidentja Jahjaga theksoi se vandalizimi i një monumenti të trashëgimisë kulturore dhe të karakterit fetar nuk i kontribuon ndërtimit të mirëbesimit mes komuniteteve dhe bie ndesh me vlerat e tolerancës ndërfetare dhe etnike që janë vënë në gurthemelin e shtetit të Kosovës.

Presidentja Jahjaga ka përshëndetur veprimet e shpejta të forcave të rendit dhe sigurisë dhe inkurajon organet e drejtësisë që të ndërmarrin masa ndaj kryesve të kësaj vepre.