Prishtinë, 25 janar - Nënkryetari i AAK-së, Ahmet Isufi ka thënë se koalicionin e mundshëm PDK-AAK dihet kah mesi i shkurtit.

“Duke pasur parasysh faktin se kemi një shkapërderdhje në koalicionin qeverisës, jemi të bindur se do të ketë një qeveri më stabile, e cila garanton stabilitet deri në zgjedhjet e ardhshme, duke llogaritur edhe përfundimin e reformës zgjedhore.

Mirëpo ofertën tonë e kemi proklamuar edhe tash po presim që në shkurt të definohet nëse do të jemi pjesë e koalicionit qeverisës, me Haradinajn kryeministër ose në të kundërtën do të mbetemi në opozitë.

Saktësisht dhe përfundimisht pozicioni i AAK-së do të definohet nga mesi i muajit shkurt”, ka thënë Ahmet Isufi për “Epokën e Re”.