Berlin, 17 nëntor -  Ministri i Punëve të Jashtme, Enver Hoxhaj, ka thënë se mbajtja e zgjedhjeve në veri të Kosovës është dëshmi e forcimit të sovranitetit të Kosovës. Sipas Hoxhajt, serbët e veriut për herë të parë kanë mundësinë që të integrohen në institucionet e Kosovës.

“Zgjedhjet në tërë territorin e Kosovës janë një përparim shumë i madh. Mbajtja e zgjedhjeve në veri të Kosovës është dëshmi e forcimit të sovranitetit të Kosovës. Ato janë historike, sepse serbët e veriut për herë të parë kanë mundësinë që të integrohen në institucionet kosovare”, ka thënë Hoxhaj në një intervistë të publikuar nga “Berliner Morgenpost”.