Prishtinë, 18 janar - Nënkryetari i PDK’së Enver Hoxhaj, ka bërë me dije se Hashim Thaçi në muajin shkurt do të bëhet president i vendit.

Ai ka thënë se koalicioni qeverisës ka 89 deputetë dhe i ka votat e mjaftueshme për ta bërë kuorumin dhe për ta zgjedhur Thaçin president.

Hoxhaj ka vlerësuar se Thaçi do ta fuqizojë pozitën e presidentit, duke fuqizuar kështu edhe shtetin.

Në intervistë për Epokën e Re, Hoxhaj ka thënë se nuk ka pasur biseda brenda PDK’së, por as me LDK’në për pasardhës të Thaçit në MPJ.

Ai ka treguar se deri më tani strukturat në strukturat e partisë nuk është biseduar as për trashëgimtarin e Thaçit në PDK.

Sipas tij, aktualisht është me rëndësi të tejkalohet situata në të cilën ndodhet Kosova dhe Thaçi të bëhet president.