Prishtinë, 7 janar  - Ministri i Punëve të Jashtme i Kosovës, Enver Hoxhaj, ka zhvilluar një bisedë telefonike me zëvendëskryeministrin dhe ministrin e Jashtëm e Integrimeve Evropiane të Malit të Zi, Igor Lukšić, si dhe me ministrin e Punëve të Jashtme të Maqedonisë, Nikola Poposki, me ç’rast ua ka uruar Festën e Krishtlindjes Ortodokse.

Gjatë bisedës me homologët e dy shteteve fqinje, ministri Hoxhaj ka përcjell urimet më të përzemërta të popullit dhe Qeverisë së Kosovës për të gjithë besimtarët ortodoksë.

Hoxhaj po ashtu ka theksuar vlerat dhe mesazhet e fuqishme që përçon Festa e Krishtlindjes, duke veçuar mesazhet e paqes, tolerancës, dashurisë ndërmjet popujve dhe njerëzimin në tërësi.

Ministri i Jashtëm i Kosovës, gjatë bisedës me homologët Lukšić dhe Poposki po ashtu ka shprehur vullnetin e Qeverisë së Kosovës për forcimin e bashkëpunimit me Malin e Zi dhe Maqedoninë.