Prishtinë, 15 qershor – Ministri i Punëve të Jashtme i Republikës së Kosovës, Enver Hoxhaj, ka pritur sot në takim ambasadoren e Zvicrës në Kosovë,  Krystyna Marty Lang.

Duke e vlerësuar lartë bashkëpunimin bilateral ndërmjet dy shteteve, ministri Hoxhaj, e ka falënderuar ambasadoren zvicerane për ndihmën e vazhdueshme që Zvicra, po e ofron për shtetndërtimin e Kosovës si dhe për fuqizimin e subjektivitetit ndërkombëtar.

Ministri Hoxhaj dhe ambasadorja zvicerane kanë diskutuar për thellimin e bashkëpunimit ndërmjet Kosovës dhe Zvicrës, si dhe për rritjen e koordinimit ndërshtetëror për aplikimin dhe anëtarësimin e Kosovës nëpër organizata ndërkombëtare.

Me këtë rast ambasadorja Krystyna Marty Lang, ka premtuar se Zvicra do të vazhdoi ta përkrah fuqishëm Republikën e Kosovës.