Hoxhaj: Pas anëtarit vëzhgues të NATO-s, Kosova edhe me ushtri
Ministri Hoxhaj ka falënderuar delegacionin e NATO-së për vendimin e kësaj organizate që Kosova të pranohet si anëtare vëzhguese në këtë mekanizëm të rëndësishëm.
Ky vendim i NATO-së, është vlerësuar nga ministri Hoxhaj si faktor i paqes dhe stabilitetit në Ballkanin Perëndimor.
Ministri Hoxhaj ka theksuar se “procesi i integrimit në NATO përbën çështjen më konsensuale të qytetarëve dhe institucioneve të Kosovës”.
Më tej, ai i ka informuar për progresin e arritur në Kosovë dhe procesin euroatlantik të integrimeve.
Hoxhaj gjithashtu e ka njoftuar delegacionin e NATO-së edhe për vendimin e Qeverisë së Kosovës për themelimin e Forcave të Armatosura të Kosovës, duke thënë se aspirata e popullit të Kosovë është për t’u bërë anëtare e plotë e NATO-së.
Ai i ka njoftuar diplomatët edhe për ecurinë e dialogut me Serbinë dhe për integrimin e minoriteteve në Kosovë.
Përveç kësaj ministri Hoxhaj i ka njoftuar zyrtarët e NATO-së edhe për anëtarësimin e Kosovës në organizatat rajonale dhe ndërkombëtare.
