Prishtinë, 26 korrik - Ministri i Punëve të Jashtme, Enver Hoxhaj, do të raportojë para anëtarëve të tjerë të Komisionit për Punë të Jashtme lidhur me politikën e jashtme të Kosovës dhe angazhimet e ministrisë, të cilën e udhëheq.

Hoxhaj do t’i drejtohet komisionit pas takimit me ministrin e Punëve të Jashtme i Republikës së Lituanisë, Linas Linkevičius.

Hoxhaj është kritikuar për anashkalim të Kuvendit, si organi më i lartë legjislativ, përfaqësues dhe politik i vendit, pasi që ka pasur disa raste që nuk i është përgjigjur kërkesave të Komisionit parlamentar.

Ai është kritikuar edhe për mosdorëzimin e notave verbale, strategjinë e plotë për njohjet, raportin financiar për fushatën e lobimit jashtë dhe brenda vendit për njohjen e pavarësisë së Kosovës, etj.