Prishtinë, 12 korrik - Ministri i Ministrisë së Punëve të Brendshme, Bejtush Gashi, priti në takim ambasadoren e Holandës në Kosovë, znj. Gerrie Willems.

Gjatë këtij takimi ministri Gashi falënderoi ambasadoren Willems për përkrahjen e dhënë për Republikën e Kosovës, në veçanti Ministrinë e Punëve të Brendshme.

Në këtë takim theks i veçant iu vu angazhimeve të Minitrisë së Punëve të Brendshme dhe institucioneve të sigurisë, në plotësimin e kritereve që kërkohen për anëtarsimin e Kosovës në Bashkimin Eupropian.

Ministri Gashi theksoi se Republika e Kosovës i ka përmbushur të gjitha kriteret sa i përket procesit të liberalizimit të vizave dhe me këtë rast kërkoi nga amabasadorja Willems, që Holanda të ndihmojë në përshpejtimin e liberalizimit të vizave për qytetarët e Republikës së Kosovës.

Ndërsa ambasadorja e Holandës,  znj. Gerrie Willems, shprehu gatishmërinë e saj për vazhdimin e bashkëpunimit mes të dy shteteve, duke theksuar se shteti i saj do të përkrahë Republikën e Kosovës në anëtarësimin e organizatave ndërkombëtare.