Prishtinë, 10 maj - Në Kuvendin Zgjedhor të Degës së Tretë të LDK-së, “Dega e Presidentit Rugova” Prishtinë, në garën për kryetar dege, Hazir Borovci e ka fituar kundër Bardhyl Metës me rezultat 61 me 40 vota.

Po ashtu, në kuvend janë zgjedhur edhe anëtaret e kryesisë si dhe 14 delegatë për Kuvendin Qendror Zgjedhor të LDK-së.

Kryetari i sapo zgjedhur, Hazir Borovci, pasi falënderoi delegatët për besimin e dhënë, premtoi se do punoj me tërë forcën për të mirën e degës dhe elektoratit të saj.

Këtë Kuvend Zgjedhor e kanë përshëndetur edhe sekretari i LDK-së, Ismet Beqiri dhe kryetari i saj, njëherësh kryeministër i vendit Isa Mustafa.