Tiranë, 9 maj - Kryetari i Aleancës për Ardhmërinë e Kosovës (AAK), Ramush Haradinaj, gjatë qëndrimit në Tiranë është takuar me Kryetarin e Kuvendit të Shqipërisë, Ilir Meta.

Në takimin miqësor u diskutua për zgjedhjet në Kosovë, për politikat rajonale dhe bashkëpunimin në mes të Kosovës dhe Shqipërisë sidomos në fushën e ekonomisë dhe energjisë.

Kryetari Haradinaj, diskutoi dhe morri mendime nga z. Meta për vizionin dhe platformën politike zgjedhore të Aleancës, “Drejtim i Ri”.

Kryetari Haradinaj po vazhdon agjenden në Tiranë ku do të ketë aktivitete dhe takime të shumta.

Kryetari Haradinaj do të jetë prezent edhe në promovimin e librit të z. Michael O\'Reilly në gjuhen angleze “Haga e Ramush Haradinaj”, që do të promovohet në Universitetin Europian të Tiranës.

Pas promovimit të librit, Kryetari Haradinaj do të mbaj edhe një ligjeratë para studentëve dhe mësimdhënësve të Universitetit Europian të Tiranës.