Prishtinë, 13 janar - Ramush Haradinaj është në fazën kur i duhen shumë partnerë për të plotësuar partinë  e tij, me qëllim udhëheqjen e Kosovës.

Një person që ai e shikon në partinë e tij është Ukë Rugova. Haradinaj një lutje do t’ia drejtojë edhe ish-kryeministrit Bajram Kosumi për t’u rikthyer në AAK.

Një vend të veçantë në hierarkinë e AAK-së, por me qëndrim në hije, do vazhdojë ta ketë ish-gjenerali amerikan Steven Schok (ish-shef i UNMIK-ut), që do mbetet këshilltar i Haradinajt.

AAK-së s’do i mungojnë as ndihmat e biznesmenëve me \"kuletë të madhe\", sikurse Ramiz Kelmendi (“ELKOS”), Blerim Kuçi (“Hidroterm”), dhe “ngrohtësia” e Ekrem Llukës, njëri ndër biznesmenët më të pasur të Kosovës, etj. Jo vetëm lideri i shtetit të Kubës, transmeton “Bota Sot”

Sidoqoftë, nga e marta fillojnë zgjedhjet në AAK-në. Ato do zhvillohen në degët, nëndegët, e lagjet, anekënd Kosovës. Kuvendi zgjedhor i fundit i AAK-së është mbajtur në nëntor të 2008-ës, ku ishin bërë ca ndryshime në statut.

Ndërsa, në zgjedhjet që do fillojnë pas tri ditësh, AAK-ja dhe lideri i saj ka vetëm dy qëllime kryesore: 1) synon që AAK-ja të bëhet partia e tretë në Kosovë, pra nga 12% të rritet në 19% sa ishte më 2007, duke rekrutuar dhe mobilizuar sa më shumë përkrahës; 2) qëllim tjetër në këto zgjedhje është që të “grabis” sa më shumë anëtarë të zhgënjyer të LDD-së, LDK-së, PSHDK-së, VV-së, me qëllimin për ta rritur elektoratin e AAK-së, e për t’i dobësuar partitë rivale.