Prishtinë, 28 maj - Kryetari i Grupit Parlamentar të Partisë Demokratike të Kosovës, Adem Grabovci, tha se qeveria nuk e ka sjellë ende në Kuvend ligjin për Gjykatën Speciale, ndaj sipas tij, mund të mos votohet të premten në seancë plenare.

Grabovci shtoi se, nuk mund të sigurojë nëse deputetët do ta votojnë ligjin që qeveria mund ta sjellë në momentet e fundit.
 
“Deputetëve u nevojitet kohë për ta lexuar përmbajtjen, para se ta votojnë një ligj”, ka theksuar Grabovci.