Prishtinë, 8 shtator - Instituti GAP organizon konferencë për media ku do të prezantojë raportin hulumtues “Sa kanë kompetenca vetanake komunat?”.

Edhe pse Ligji për vetëqeverisje lokale u jep komunave një varg kompetencash vetanake, në praktikë shumë nga to nuk arrihen të realizohen plotësisht.

Në këtë raport Instituti GAP ka analizuar se sa kanë realisht komunat kompetenca në zhvillimin ekonomik lokal, menaxhimin e pronës komunale, menaxhimin e mbeturinave, furnizimin me ujë, mbrojtjen e mjedisit dhe shërbime të tjera publike. 

Raporti ofron disa rekomandime se si mund të evitohet praktika e deritanishme e tjetërsimit të kompetencave vetanake të komunave nga niveli qendror.