Prishtinë, 1 qershor - Kryetari i Partisë Demokratike të Kosovës Kadri Veseli, sot ia dha librezën e anëtarësimit në PDK, Vesel Kurtishajt, fitues i \"Big brother Albania‬ 8\".

Në konferencën për shtyp të organizuar me këtë rast, kryetari i PDK-së Kadri Veseli ka thënë se Partia Demokratike e Kosovës do t’u japë hapësirë të gjithë të rinjve që duan të jenë pjesë e PDK-së, si në aktivitete partiake ashtu edhe në marrjen e përgjegjësive, në të ardhmen, në vendimmarrje.

Ndërkaq, Vesel Kurtishaj, me këtë rast theksoi se ka vendosur që të jëtë në PDK, për arsye se si asnjë parti tjetër, PDK u ka dhënë të rinjve hapësiren e duhur, njëherit ai u bëri thirrje të gjithë të rinjve të jenë pjesë e PDK-së.