Prishtinë, 13 mars - Në vazhdën e organizimit të Gruas Demokratike të Kosovës, Këshilli organizativ i kryesuar nga dr. Flora Brovina, sot mbajti takimin e radhës, ku u shqyrtuan dokumentet e nevojshme për funksionimin dhe organizimin e zgjedhjeve, si: udhëzues, rregullore pune, plan i punës, etj.

Po ashtu në këtë takim, zyrtare për informim për të gjitha aktivitetet dhe mbarëvajtjen e procesit zgjedhor të GDK-së, u zgjodh deputetja Ganimete Musliu.

Në kuadër të këtij Këshilli janë të përfshira anëtare të Kryesisë së PDK-së, Këshillit Drejtues dhe deputete të PDK-së.

Në takimin e radhës pritet të finlizohen të gjitha detajet dhe dokumentacioni përkatës i Këshillit organizativ të GDK-së.

Vendimi për mbajtjen e zgjedhjeve të brendshme të Gruas Demokratike të Kosovës, është marrë në mbledhjen e fundit të Kryesisë së Partisë Demokratike të Kosovës, ku është vendosur që zgjedhjet të fillojnë më 15 mars dhe pritet të përfundojnë deri më 20 prill.

.