Prishtinë, 30 mars - Partia Fryma e Re (FER) sot zyrtarisht iu bashkohet Lëvizjes “Vetëvendosje”. Vendim u bë publik nga udhëheqësit e dy subjekteve politike ai i “Vetëvendosjes” Albin Kurti, dhe Shpend Ahmeti nga FER.

Ata kanë thënë së situata e rëndë politike, ekonomike dhe sociale në vend, dhe posaçërisht dinamika e ngjarjeve që nga 12 dhjetori kanë shfaqur nevojën e mobilizimit dhe bashkimit të forcave politike që për synim kanë ndryshimin rrënjësor aq shumë të nevojshëm për Kosovën.

\"Duke parë që e ardhmja e Kosovës është në rrezik, Vetëndosje! dhe FER kanë vendosur që të bashkohen për të ndalur këtë rrënim politik, ekonomik, e social.\"

Gjatë javëve në vijim, përmes aktiviteteve të përbashkëta anembanë Kosovës, kjo forcë do të shpalosë pjesë nga programi i përbashkët për ta bërë Kosovën shtet të pavarur, sovran, funksional, të zhvilluar dhe demokratik.