Podujevë, 17 janar - Dega e Aleancës për Ardhmërinë e Kosovës (AAK) në Podujevë, ka mbajtur sot kuvendin e saj zgjedhor.

Pas zgjedhjes së Këshillit Drejtues prej 30 anëtarëve, dega e Podujevës  ka zgjedhur edhe  kryetarin e ri të saj, z.Fatmir Humolli.

Poashtu dega e AAK-së në Podujevë zgjodhi forumet drejtuese të partisë edhe në Aleancën e Gruas dhe Aleancën e të Rinjve

Kuvendin e ka përshëndetur  edhe Kryetari i AAK-së, z.Ramush Haradinaj.  Haradinaj delegatëve të kuvendit ua ka përcjellë mirënjohjen për punën e palodhshme dhe mbështetjen e vazhdueshme të tij dhe të Kryesisë Qendrore të AAK-së për punën, vizionin dhe përkushtimin e kësaj dege.

Pas marrjes së besimit për të udhëhequr me degën, delegatët e Kuvendit i ka përshëndetur dhe falënderuar për besimin edhe kryetari i sapozgjedhur i kësaj dege z. Fatmir Humolli, i cili u zotua se do të vazhdoj me punë dhe përkushtimë në forcimin e mëtejmë të  Aleancës në Podujevë, si dhe adresimin e çështjeve jetike për këtë rajon.