Prishtinë, 7 dhjetor - Ndërsa në datën 10 dhjetor pritet të zbatohet Marrëveshja për Menaxhimin e Integruar të Kufijve grupet e punës ende nuk kanë arritur një marrëveshje përfundimtare për detajet.

Ajo që dihet është se në vendkalimet kufitare në Merdar dhe Jarinjë banorët serbë të veriut të Kosovës nuk do të duhet të paguajnë dogana për mallrat që sjellin nga Serbia ndërsa ajo që nuk dihet është se ku do të shkojnë në të ardhmen të ardhurat e mbledhura nga doganat në këto dogana.

Burime diplomatike të BE-së kanë theksuar për mediat kosovare se kryeministri i Kosovës dhe ai i Serbisë, të dy për nevojat e tyre të brendshme, kanë dhënë deklarata  të ndryshme në lidhje me të ardhurat nga doganat.