Edi Rama, vizitë tre ditore në Kosovë
Njoftimin e ka dhënë vetë ai përmes një shënimi të bërë në profilin e vet në rrjetin social Twitter. “Pas Brukselit, në Prishtinë”- shkruan Rama paraditen e sotme në këtë faqe.
Njoftimin po ashtu e ka bërë të ditur edhe zyra e shtypit të Partisë Socialiste
Në orën 16:30 kreu i PS Rama do të takohet me Kryeministrin e Kosovës Hashim Thaçi në Kryeministri, ku pritet midis të tjerash të diskutohet edhe mbi situatën e fundit të krijuar në veri të Kosovës.
Ndërsa në orën 18:00 Edi Rama do të prezantojë librin Kurban përpara dashamirësve dhe qytetarëve të Kosovës, në ambientet e Muzeut Historik në Prishtinë.
