Prishtinë, 6 maj-  Isa Mustafa ka konfirmuar se do të garojë edhe për një mandat për kryetar të Lidhjes Demokratike të Kosovës (LDK).

“Unë do të garoj edhe për një mandat në Lidhjen Demokratike të Kosovës. LDK-ja është në ngritje, ajo ka marrë përgjegjësinë ta drejtojë Qeverinë e Kosovës dhe kjo është arsyeja që më shtyn të garoj edhe njëherë për kreun e LDK-së”, ka thënë Mustafa në një intervistë për “Botapress”.

Duke folur për procesin zgjedhor në LDK, ai ka bërë me dije se është në një proces të organizuar shumë mirë dhe krejtësisht demokratik.