Prishtinë, 12 dhjetor - Koalicioni i OJQ-ve Demokracia në Veprim, në konferencën për media ka prezantuar statistika për përqindjen e votave që kanë fituar subjektet politike në zgjedhjet e sotme parlamentare të nxjerra nga 31.7 për qind të vendvotimeve.

Sipas DV partia fituese është Partia Demokratike e Kosovës e cila ka marr 34 për qind te votave e pasuar nga Lidhja Demokratike e Kosovës me 25 për qind.

Vetëvendosja vjen e treta me 11.97 për qind, Aleanca për Ardhmërinë e Kosovës me 10.98 për qind, Aleanca Kosova e Re me 7.52 për qind, Lidhja Demokratike e Dardanisë me 2.86 për qind dhe Partia Fryma e Re me 2.26 për qind.