Prishtinë,  9 maj - Djibouti, shtet afrikan, ka marrë vendim për njohjen e pavarësisë së vendit tonë, ndërsa së shpejti pritet të dërgohet edhe nota e njohjes.

Zyrtarë të Ministrisë së Punëve të Jashtme të Kosovës kanë konfirmuar se në bazë të informacioneve që kanë marrë nga Ambasada e Kosovës në Paris, Djibouti, shtet ky afrikan, ka marrë vendim për njohjen e pavarësisë së vendit tonë, ndërsa së shpejti pritet të dërgohet edhe nota e njohjes.
   

Shteti afrikan, Republika e Djiboutit, kufizohet me Eritrenë, Etiopinë dhe Somalinë. Ka rreth një milion banorë.

Djibouti është shteti i 68-të që e njeh pavarësinë e Kosovës.