Prishtinë, 27 janar - Grupi parlamentar i kryesuar nga Albulena Haxhiu kryetarja e komisionit parlamentar për Legjislacion  dhe Komiteti për Drejtësi i Lëvizjes Vetëvendosje! organizon diskutimin lidhur me procedimin dhe miratimin e Projektligjit për shqyrtimin dhe vërtetimin e pasurisë së pajustifikuar.

Në strategjinë legjislative të Qeverisë, për vitin 2017, nuk parashihet asnjë nismë legjislative që ka për qëllim luftimin e krimit të organizuar dhe korrupsionit.

Duke pasur parasysh problemet me të cilat po ballafaqohet Kosova dhe në anën tjetër mungesën e dispozitave ligjore, konsiderojmë që është tejet e rëndësishme diskutimi dhe ndërrmarja e iniciativave që kanë për qëllim luftimin e krimit të organizuar dhe korrupsionit, saktësisht hartimi i projektligjit që ka për qëllim konfiskimin e pasurisë të fituar në mnëyrë të kundërligjshme.